kidung wahyu kolosebo

Rumekso ingsun laku nisto ngoyo woro
Kelawan mekak howo, howo kang dur angkoro.
Senadyan setan gentayangan, tansah gawe rubeda
Hinggo pupusing jaman

Hameteg ingsun nyirep geni wiso murko
Maper hardening ponco, saben ulesing netro
Linambaran sih kawelasan, ingkang paring kamulyan
Sang Hyang Jati Pengeran

Jiwanggo kalbu, samudro pepuntoning laku
Tumuju dateng gusti, Dzat Kang Amurbo Dumadi
Manunggaling kawulo gusti, krenteg ati bakal dumadi
Mukti ingsun tanpo piranti

Sumebyar ing sukmo madu sarining perwito,
Maneko warno prodo, mbangun projo sampurno
Sengkolo tido mukso, kolobendu nyoto sirno
Tyasing roso mardiko.

Mugiyo den sedyo pusoko Kalimosodo,
Yekti dadi mustiko, sajeroning jiwo rogo,
Bejo mulyo waskito, digdoyo bowo leksono
Byar manjing sigro-sigro.

Ampuh sepuh utuh, tan keno iso paneluh
Gagah bungah sumringah, ndadar ing wayah-wayah.
Satriyo toto sembodo, Wirotomo katon sewu kartiko
Kataman wahyu Kolosebo

Memuji ingsun kanthi suwito linuhung
Segoro gando arum, suh rep dupo kumelun
ginulah niat ingsun, hangidung sabdo kang luhur
Titahing Sang Hyang Agung

Rembesing tresno, tondo luhing netro roso
Roso rasaning ati, kadyo tirto kang suci
Kawistoro jopo montro, kondang dadi pepadang
Palilahing Sang Hyang Wenang

Nowo dewo jawoto, tali santiko bawono.
Prasido sidhikoro, ing sasono asmoroloyo.
Srinalendro Kolosebo, winisudo ing gegono
Datan gingsir sewu warso.

berikut videonya

KLIK DISINI

share bila artikel ini bermanfaat